My storie




Ek het baie lank in my lewe gedink God kyk die heeltyd wat ek verkeerd doen om my uit die hemel te hou want soos my seuntjie eendag opgemerk het, ons is nie net goed nie. 
Die een trauma na die ander wat ons as gesin beleef het waarvan ek by die dood omgedraai het, en ons God se ingrype en voorsiening beleef het, leer ons Hom egter ken as die God van wonders en meer en meer as Vader wat ons so lief het dat Hy alles in Sy vermoë doen om ons in die hemel te kry, Hy het selfs Sy Seun gestuur.

  Dis hoe lief Hy ons het. Ek verstaan nie altyd waarom dinge gebeur nie, maar ek het geleer ek kan Sy hart vertrou. 
Ek het amper gesterf sonder Jesus. Na my siekbed wys Jesus my niemand se saak is maar net reg met Hom sonder wedergeboorre nie, al het jy in die kerk grootgeword.
 Ek wou nie langer net van Hom weet nie,ek wou Hom nie in 'n Sondag boksie plaas nie. Ek wou Hom elke oomblik dien. Die Here wat ek leer ken het in ons woestyne verdien soveel meer van my.
 Ek wil nie net' n BEWONDERAAR wees nie ek wil 'n VOLGELING wees.

 " Ek wil getuig van u magtige dade,  sodat die mense oor u wonderdade sal praat. Ek wil van u grootheid vertel.  Sonder ophou moet hulle u groot goedheid verkondig en oor u reddingsdade jubel.  Genadig en barmhartig is die Here, lankmoedig en vol liefde. 
PSALMS 145:5‭-‬8 AFR83


Comments

Post a Comment

Popular posts from this blog

Hoe donker is dit regtig, dalk stikdonker?

Image
IS DIT DONKER, STIKDONKER? Dié Lig kan jou lewe red. Uit die duisternis van sonde,  maar ook uit die donker put van depressie/wanhoop/ opgee/oorgee. "In die begin was die Woord daar, en die Woord was by God, en die Woord was self God. Hy was reeds in die begin by God. Alles het deur Hom tot stand gekom: ja, nie 'n enkele ding wat bestaan, het sonder Hom tot stand gekom nie . In Hom was daar lewe,  en dié lewe was die LIG vir die mense.  Die LIG skyn in die duisternis ,  die duisternis KON DIT NIE UITDOOF NIE ." JOHANNES 1:1‭-‬5 AFR83  Lig teenoor duister  ...  Die u iterste kontras! Gen 1:1-4 "In die begin het God die hemel en die aarde geskep.  Die aarde was heeltemal onbewoonbaar,  dit was donker op die diep waters,  maar die Gees van God het oor die waters gesweef. Toe het God gesê: “Laat daar lig wees!” En daar was lig.   God het gesien die lig is goed,  en Hy het die lig en die donker van mekaar geskei." Die goeie (Lig
Read more

Daar is hoop en dan is daar HOOP...

Image
Wat as ons HOOP VERLOOR? GELOOF , HOOP en LIEFDE . Ons lees dit oral raak maar Geloof en liefde kry soms al ons aandag en  vergeet ons soms van HOOP HOOP is allesbehalwe onbelangrik of minder belangrik as die ander twee. Satan probeer vir 'n rede heeltyd hoop by ons steel of ons fokus wegvat daarvan. Hoop kom 130x voor in die Bybel in 121 verse Die Here laat Sy lig vir my die laaste tyd val op HOOP … Dis asof ons almal wil begin hoop verloor . Amper elkeen waarmee jy praat sukkel hiermee. Ek besef ons is moeg Here, ons sukkel om ons fokus op U te hou en nie deur die storms onder gekry te word nie. Ek besef net weer en weer dat die Here weet van ons stryd, Hy weet ons begin moed en hoop verloor want op een dag deel drie verskillende medegelowiges Woord oor HOOP met my. Dit bevestig vir my dat Jesus deur Sy Gees in hierdie tyd met Sy kinders oor HOOP praat want tye is rof en ons is net mens. Hoe getrou is ons Here dat Hy self  besig is om Sy kinder
Read more

“EK HET NOU GENOEG GEHAD, HERE,”

Image
Jer 12:5  As jy met voetgangers loop, maak hulle jou moeg: hoe sal jy dan wedywer met die perde?  “EK HET NOU GENOEG GEHAD, HERE,” Soms stamp die aanslae van die lewe ons onderstebo. Baie mense is in 'n bloedige geveg teen die donker wat hul wil oorweldig. Mens hoor van mense wat lank gestry het teen die donker gat van depressie en dan tog selfmoord pleeg. Dan wonder mens wen die donker dan ? Ons het self die hartseer nuus gehoor nou in die tyd van iemand wat selfmoord gepleeg het, hy het self so baie mense in hul donkerste tyd bygestaan as berader, maar het egter self later in dié donker gat beland. Ook God se profeet Elia beland in hierdie donker gat, en bevind hom onder 'n BESEMBOS diep in die woestyn. " Hy self het die WOESTYN ’n dagreis ver binnegegaan . Hy het toe onder ’n besembos gaan sit en gewens dat hy liewer maar moet sterf.  “EK HET NOU GENOEG GEHAD, HERE,”    het hy gesê.  “Neem nou maar my lewe, want ek is niks beter as my voorouer
Read more