No 1. Ek moes doof word sodat ek kon hoor - dat Jesus 'n streep deur mỳ waarheid trek - deel1

 

Ek moes doof word sodat ek kon hoor!

JUDAS 1:3-5 AFR53

[3] GELIEFDES, terwyl ek alle ywer aanwend om aan julle oor ons gemeenskaplike saligheid te skrywe, het ek die noodsaaklikheid gevoel om julle deur my skrywe te vermaan om kragtig te stry vir die geloof wat eenmaal aan die heiliges oorgelewer is. [4] Want sekere mense het ingesluip wat lank tevore al opgeskryf is vir hierdie oordeel, goddelose mense wat die genade van onse God verander in ongebondenheid, en die enigste Heerser, God, en onse Here Jesus Christus verloën. [5] Maar ek wil julle daaraan herinner, al weet julle dit nou eenmaal, dat die Here, nadat Hy die volk uit Egipteland gered het, daarna die wat ongelowig was, omgebring het.

Ek wil my eie persoonlike getuienis met julle deel hoe die Here my aan die hand kom vat het, my vanuit halwe waarhede na Sy WAARHEID gelei het en DIE waarheid, SY WAARHEID vir my kom oopbreek het, soos die blinde man wat blind was en toe, na sy persoonlike ontmoeting met Jesus kon sien. 

Tog wou die Farriseërs en die wetsgekeerdes die waarheid wat hierdie blinde man self by Jesus ontvang het in twyfel trek en nie glo nie. 

 Ek was geestelik blind en na my persoonlike ontmoeting met Jesus het Hy ook my oë begin oopmaak,

  toe ek IN HOM begin glo het en nie meer AAN HOM nie.

Is dit BELANGRIK dat WAARHEID 

suiwer, suiwer moet wees?

Ja want as ons telefoontjie speel en die boodskap nie suiwer oorgedra word van die een oor na die ander en elkeen dus sê wat hy of sy dink hulle gehoor het, gaan die boodskap aan die einde glad nie meer die oorspronklike boodskap wees waarmee begin is nie.

 In die speletjie is dit 'n groot grap, maar as dit by die BOODSKAP VAN DIE WARE EVANGELIE, by God se Woord, Sy suiwer WAARHEID kom is dit alles behalwe kinderspeletjies of 'n grap as die boodskap nie meer klink soos die oorspronklike nie. 

Die suiwerheid van die boodskap van die Waarheid wat van een oorvertel word na die ander is van lewensbelang.

Dit kan jou die Ewige lewe kos!!

 Die aflosstokkie van die Waarheid wat van een persoon na die ander, een geslag na die ander aangegee word is 'n saak van lewe en dood,

 (ewige) lewe of (ewige) dood.

Vir die een wat aanvat maar ook vir my wat aangee.

Niemand wil eendag hierdie woorde hoor nie.

MATTHÉÜS 7:21-24 AFR53

[21]  Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil (GOD SE WAARHEID) doen (NIE NET VAN HOOR OF WEET NIE) van my Vader wat in die hemele is. [22] Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? [23] En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk! 

[24]  Elkeen dan wat na hierdie woorde van My luister en dit doen, hom sal Ek vergelyk met 'n verstandige man wat sy huis op die rots gebou het.

Is sommige van ons besig om op sand te bou?

Matthew 7:23 AMP

[23] And then I will declare to them publicly, ‘I never knew you; depart from Me [you are banished from My presence], you who act wickedly [disregarding My commands].’ 

MATTEUS 7:23 NLV

[23] Dan sal Ek hulle antwoord: ‘Julle was nog nooit werklik mý mense nie. Gaan weg van My af! Julle het nie gedoen wat voor God reg is nie.’”   

DAAROM IS DIT VAN UITERSTE BELANG DAT ONS SEKER MAAK ONS HET DIE SUIWER WAARHEID, GOD SE WAARHEID, DIE ONVERVALSTE, ONVERDRAAIDE EVANGELIE, DIE GOEIE NUUS

Hoe lyk die "waarheid" van die 

aflosstokkie wat elkeen van ons aangee, maak ons seker dis die suiwer waarheid?

Of het ons traak my nie agtig daaroor geword, solank dit darem min of meer reg is?

Alleenlik as ons die suiwer waarheid het gaan ons die leuen kan uitken al is dit hoe naby aan die waarheid. Gaan ons nie verwar word nie.

THE TRUTH!!!

Maar wat as ons dalk nie, THE TRUTH!!!

(waarheid) het nie?

Dan is verwarring(Deception) ons voorland.

HOSÉA 4:6 AFR53

[6] My volk gaan te gronde weens gebrek aan kennis; omdat jý die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.

Het jy al self die waarheid wat jy op die oomblik aan glo, aan die Waarheid van die Woord getoets of glo jy dit net blindelings soos Adam vir Eva geglo het? Net omdat iemand, selfs iemand dalk na aan jou dit vir jou geleer het, glo jy dit? 

Daar is dalk selfs skrif vir die waarheid waaraan jy glo, maar onthou jy die Duiwel het ook skrif gebruik om Jesus te versoek het in die woestyn. Die persoon by wie jy jou waarheid geleer het weet dalk net soos Eva, ook nie dat die Duiwel hul mislei het nie en nou gebruik om ook ander, jóú te mislei nie.

 Wat as húlle verkeerd geleer is?

My storie, soekend na die waarheid verloop natuurlik my hele lewe maar waar die skille van my oë afgeval het was toe ek baie siek geword het. 

 ‘n Blouwildebees vlieg het in my oog vasgevlieg en ‘n larwe in my regter oog gelê en dit het breinvliesontsteking veroorsaak wat te laat opgetel is omdat hul heeltyd op my oog gefokus het. Teen die tyd dat hul besef het ek het breinvliesontsteking ( Meningitus) was ek al baie baie siek.   

Ek het ‘n hele span dokters oor my gehad destyds, maar ek het onder hul almal se behandeling net bly versleg.

Dat ek nog hier is, is net een groot wonderwerk.

My pa het laas jaar meer as 20 jaar later een van die dokters raakgeloop en toe hy hom vra of hy my kan onthou het hy geantwoord dat dit onmoontlik is om al jou pasiente te kan onthou, maar so groot wonderwerk vergeet mens nie. 

Dit was daar in daardie hospitaal bed toe dit vir my makliker gevoel het om te sterf as om te moet gesond word dat ek Jesus gevra het: 

”Here as my saak met U reg is vat my, 

maar as my saak nie met U reg is nie gee my nog ‘n kans.”

  Dat ek leef en dat ek hier kan skryf meer as 20 jaar later beteken 

   MY SAAK WAS NIE MET HOM REG NIE!!

 Teen alle verwagting in word ek gesond en ontvang ek so groot wonderwerk van Goddelike genesing, en dat daardie dokter dit tot nog toe nie vergeet het nie, is 'n bewys daarvan.

 Daarna was ek toe éérs erg geestelik soekend, nog meer as ooit na die WAARHEID. 

Ek het die Bybel begin lees wat ek nie voorheen so baie gedoen het nie, ek het eerder dagstukkies gelees. Ek wou nou by Jesus self hoor en nie meer by mense. Dagstukkies is ook maar by mense hoor. 

Hoe meer ek my verdiep het in die Woord hoe meer het die waarheid vir my begin oopmaak en hoe meer is daar 'n streep getrek deur die waarheid wat ek gedink het ek gehad het.

Ek wou nou met alles in my weet soos die tronkbewaarder en ander in die Bybel en oor baie eeue heen: 

WAT MOET EK DOEN OM GERED TE WORD, WAT MOES EK DOEN OM MY SAAK MET GOD REG TE MAAK?

Ek het egter agv die meningitus wat ek gehad het my gehoor aan my regterkant 100% verloor en kon dus nie meer so goed hoor, veral as daar geraas was.

Ek het gesmag na God se Woord en het die preke by die kerk vir my so, so belangrik geword, ek wou uitvind hoekom my saak nie met die Here reg was nie, maar agv klank probleme in die moederskamer(my baba was 6maande oud) kon ek feitlik niks van die preke hoor nie. My man moes oppad huistoe elke Sondag vir my die boodskap vertel. In die tyd was my nefie hul besig om kerk te bou en het hul in die skoolsaal bymekaargekom en ons begin nooi om hulle te besoek. 

Ons het toe in die oggende na ons gemeente gegaan en in die aande na hulle sin. Omdat ek met my baba agter in die skoolsaal kon regop staan was hy rustig en kon ek die boodskap hoor omdat ek ook kon liplees waar ek nie mooi kon hoor nie. Daar in daardie skoolsaal hoor ek toe bekerings boodskappe en dat jy nie die koninkryk van God sal sien nie, as jy nie WEDERGEBORE word nie. 

Die Here breek dit toe later aan my self in my stiltetyd ook oop in die Woord, waar Jesus met Nicodemus praat en vir hom, ‘n predikant van sy tyd sê hy moet wedergebore word. Hierdie man met meer kennis as meeste van sy tyd van die Woord, en wat dit nougeset probeer volg,  hy moes ook self by die Here Jesus hoor, (sy saak was nie reg nie), ook hý moes wedergebore word.

 Die Woord sê sonder wedergeboorte 

sal NIEMAND die hemel sien nie. 

Ons as gesin was nou so honger vir die waarheid. Ons wou weet hoe om Jesus te volg soos Hy van ons vra. Hierdie Jesus die Seun van God wat my aangeraak het en ‘n tweede kans gegee het so onverdiend.

Ek wou nooit weer vir myself of vir enige van my geliefdes nooit ooit weer hoor:

”Jou saak is nie reg nie” 

Dis skrikwekkende woorde vir iemand wat Jesus haar hele lewe lank ken en AAN HOM GLO, maar let wel nie IN HOM GEGLO HET NIE.

Eendag 'n hele ruk nadat die Here my genees het, sit ek in ons nuwe gemeente en tydens die diens kom hierdie woorde in my kop op

“JY MOES DOOF WORD SODAT JY KON HOOR”

Sjoe, tot hier het ek nog nie so baie beleef dat die Here so met ‘n mens kon praat nie en het gewonder hoe dink ek nou so iets teenstrydig en dit afgelag in my gedagtes en weer gefokus op die preek. Weer het hierdie woorde nou dringender by my opgekom en ek weet nie hoe ek geweet het dis die Here wat met my praat nie, ek het net geweet. Ek sê toe Here was ek so ongehoorsaam dat U my moes straf deur my doof te maak. Hy sê toe in my gedagtes, “NEE, dink terug hoe lank al is jy soekend na die waarheid en elke keer gaan julle deur diep water en gaan daar vir jou lig op en vrae en steeds het julle gebly. Eers toe ek jou doof maak was jy bereid om iewers anders te gaan hoor.”

 JY sien eers toe ek fissies doof word en letterlik nie meer so goed kon hoor nie het ek die ander gemeente besoek en kon ek die boodskappe van wedergeboorte hoor en kon ek en ook my gesin gered word.

Die Here bring op daardie oomblik, ‘n oomblik uit my verlede helder in my gedagtes op waar ek in die Sondagskool klas sit en nadat ek op ‘n jeugkamp van 'n ander kerk denominasie was saam met my niggie, het die vers wat ek in 'n boodskap daar gehoor het “kyk ek staan by die deur en ek klop" by my vasgesteek. 

 Ek het toe na die kamp daardie oggend in die sondagskoolklas gevra: "As ons uitverkies is en ons daarom van altyd af God se kinders is wat dan van hierdie vers?"

OPENBARING 3:20-22 AFR53

[20] Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My. [21] Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het. [22] Wie 'n oor het, laat hom hoor wat die Gees aan die gemeentes sê." 

‘n OOR sou my later tref,  nie ore nie, net ‘n oor soos ook ek nou gehad het wat kon hoor. Van myself kan ek nou getuig dat dit beter is om met een oor, wat kan HOOR in die hemel te wees eendag as met twee wat kan hoor in die hel. Dus alhoewel dit baie moeilik met tye is om nie meer so goed te kan hoor nie, ek so onsettend dankbaar is elke keer as ek daaroor dink, as ek nie doof geword het nie het ek dalk steeds nie die WAARHEID VAN GOD, DIE GOEIE NUUS VAN DIE WARE EVANGELIE gehoor nie.

Ek dank en loof die Here vir Sy ongelooflike ONVERDIENDE genade oor my, en ook daardeur oor my gesin.

Ek dank Hom dat ek doof geword het sodat ek kon hoor.

 Hulle antwoord my toe daar in die Sondagskoolklas soos volg daardie oggend (die Here laat my dit woord vir woord onthou) 

“Hierdie vers van "kyk Ek staan by die deur en EK klop" is vir mense wat in Hillbrow groot geword het en nog nooit van Jesus gehoor het nie, jy het in die kerk grootgeword, jy is gedoop, het gelowige ouers jou saak is reg” 

 Wat ons nou weet nie so was nie, nie omdat mense vir my so gesê het nie maar God self deur Sy Gees. Dus was al hierdie redes wat hulle aangevoer het hoekom my saak reg was volgens die kerk se leerstellings, was toe nie vir God ons Vader aanvaarbaar nie.

 As dit was, was ek nou by Hom in die hemel. 

Ek het dus voorheen 'n waarheid gehad, gedeeltes van die Waarheid, maar nie die Waarheid nie.

Ek het uit dankbaarheid begin huil en almal was verbaas dat ek so sonder rede skielik begin huil het. Ek kon net uitkry hoe goed die Here vir my was en dat Hy vir my kom sê het hoekom ek doof geword het, dat dit genade was en nie om my te straf nie. 

Nie almal daar in die kerk daardie oggend kon seker op daardie oomblik verstaan hoe groot die oomblik vir my soekende siel was nie. 

Ek het geweet ek het nou die waarheid gekry en my saak is nou met Hom reg. Groot genade en nie uit verdienste. 

EK was so lank geestelik doof maar kon nou hoor.

Wat ek dus getuig is wat met myself gebeur het, nie met iemand anders nie, ek was soos daardie blinde man wat by Jesus self genesing ontvang het, self by Hom die waarheid gehoor het. Ek het by Hom gehoor en nie by mense, en dis ook nie my eie opinie nie.

 Dis een ding as mense jou probeer oortuig dat jy ‘n sondaar is en jou saak nie met God reg is nie, dis ‘n ander ding as Hy self vir jou sê jou saak met HOM is nie reg nie.

Baie het na my siekbed my probeer oortuig dat my saak wel reg was en dat ek verkeerd is as ek sê ek weet ek sou nie my oë oopgemaak het in die hemel nie, maar op grond van die waarheid van God se WOORD en Sy openbaring aan my weet ek dat ek weet ek sou nie in die hemel gewees het nie, nie omdat ek so verskriklike slegte mens was nie maar omdat ek nie volgens God se voorskrifte, Sý evangelie plan gered was nie. 

Alhoewel almal wat agter gebly het so sou gedink het want my lewe was een van baie getrou kerk toe gaan, probeer gehoorsaam wees, voorbeeldig lewe ens. Hulle het my lewe gemeet op menslike terme en nie op God sin nie.

 Die punt was, ek was nie net goed nie, ek was 'n sondaar en ek was nie wedergebore nie!

Oom Angus Buchan sê altyd:

"Goeie mense gaan nie hemel toe nie, net geredde mense gaan."

Jy is of Gered of nie gered!!

Niks tussenin nie!!

Net die ware waarheid kan jou red.

My storie is 'n genade storie wat ek nie verdien het nie, maar wat getuig van wie God ons Vader is.

DIE WARE VOLLE WAARHEID wat ek toe moes hoor by Hom kom ons later bietjie meer in diepte by uit

Hoe belangrik is dit vir jóú dat jy dié ware Waarheid het?!

Dit klink seker na 'n dom vraag vir jou, maar in vandag se lewe vind mens al meer en meer dat waarheid gerieflikheids onthalwe aangepas word om aan te pas by mense se eie behoeftes en idees.  Vandag se samelewing  probeer almal oortuig dat WAARHEID relatief geword het, dus as iets vir my waar is, is dit nie noodwendig vir jou waar nie.

Dis nie waar nie want dan het elkeen wel 'n waarheid maar nie dié WAARHEID nie, en dan het ons 'n leuen.

2 Timothy 4:3-5 AMP

[3] For the time will come when people will not tolerate sound doctrine and accurate instruction [that challenges them with God’s truth]; but wanting to have their ears tickled [with something pleasing], they will accumulate for themselves [many] teachers [one after another, chosen] to satisfy their own desires and to support the errors they hold, [4] and will turn their ears away from the truth and will wander off into myths and man-made fictions [and will accept the unacceptable]. [5] But as for you, be clear-headed in every situation [stay calm and cool and steady], endure every hardship [without flinching], do the work of an evangelist, fulfill [the duties of] your ministry.

II TIMÓTHEÜS 4:3-5 AFR53

[3] want daar sal 'n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle 'n menigte leraars sal versamel volgens hulle eie begeerlikhede, [4] en die oor sal afkeer van die waarheid en hulle sal wend tot fabels. [5] Maar wees jy in alles nugter; ly verdrukking; doen die werk van 'n evangelis; vervul jou bediening. 

Soos julle gesien het uit my eie getuienis is dit uiters belangrik, dat waarheid suiwer en onvervals moet wees

 Dis 'n saak van ewige lewe of ewige dood!

 As kinders van God weet ons dat die WAARHEID alleen deur God se Woord bepaal word, nie deur jou of my opinie nie. Vir ons as gelowiges is elke Woord van die BYBEL die enigste waarheid en daarom as God in Sy woord iets sê dan is dit so en kan niemand se opinie daaraan verander nie. 

Glo ons dit regtig nog?

As ons sê ons glo in God, en sê dat ons glo dat Jesus die Seun van God is, hoekom gehoorsaam ons nie Sý waarheid nie?

Die waarheid!!

Ken jy die suiwer waarheid? Gaan jy in die aanloop tot die eindtye die leuen van die waarheid kan onderskei sodat jy en jou gesin nie verward word nie?

Die Here sê in sy Woord het ons gelees

HOSÉA 4:6 AFR53

[6] "My volk gaan te gronde weens gebrek aan kennis;..."

Om vervolg te word vir die waarheid is erg en sou hulle jou doodmaak daarvoor, sal jy jou oë oopmaak by Jesus in die hemel MAAR om verwar te word met die leuen kos jou die Ewige lewe by ons Here Jesus Christus.

OPENBARING 7:9-17 AFR53

[9] NÁ hierdie dinge het ek gesien, en kyk, daar was 'n groot menigte wat niemand kon tel nie, uit alle nasies en stamme en volke en tale; hulle het gestaan voor die troon en voor die Lam, bekleed met wit klere en met palmtakke in hulle hande; [10] en hulle het met 'n groot stem geroep en gesê: Heil aan onse God wat op die troon sit, en aan die Lam! [11] En al die engele het rondom die troon en die ouderlinge en die vier lewende wesens gestaan, en hulle het voor die troon op hulle aangesig neergeval en God aanbid [12] en gesê: Amen! Die lof en die heerlikheid en die wysheid en die danksegging en die eer en die krag en die sterkte aan onse God tot in alle ewigheid! Amen. [13] Toe het een van die ouderlinge gespreek en vir my gesê: Hulle wat bekleed is met die wit klere, wie is hulle en waarvandaan het hulle gekom? [14] En ek sê vir hom: My heer, u weet dit. En hy sê vir my: Dit is hulle wat uit die groot verdrukking kom, en hulle het hul klere gewas en hul klere wit gemaak in die bloed van die Lam. [15] Daarom is hulle voor die troon van God en dien Hom dag en nag in sy tempel; en Hy wat op die troon sit, sal sy tent oor hulle oopspan. [16]  Hulle sal nie meer honger en nie meer dors hê nie, en nooit sal die son of enige hitte op hulle val nie; [17] want die Lam wat in die middel van die troon is, sal hulle laat wei en hulle na lewende waterfonteine lei, en God sal alle trane van hulle oë afvee.

Hulle wat die waarheid het sal by Jesus wees.

Die vyand wil ons verwar met leuens en halwe waarhede, hy sal tot die Woord gebruik om ons van die leuen te oortuig. Hy het dit met Eva gedoen en dit ook met Jesus probeer doen.

My dogter het toe sy nog op laerskool was altyd gesê:

Die gevaarlikste plek om te wees is binne 'n kerk maar valslik gerus.

Die Duiwel bring nie net verwarring daar buite in die wêreld nie, maar oon binne kerke, daar waar hy homself voorgee as die engel van die lig.

Daarom moet ons SELF die volle Woord raadpleeg onder leiding van die Heilige Gees en nie net sekere skrif op staan nie.

Daar is net een suiwer WAARHEID.

 Nie myne of joune nie,

maar God sin?

NNB!!

Daarom moenie jou waarheid gaan toets om net met mense daaroor te praat nie, gaan BID daaroor en vra die Here om dit vir jou deur Sy woord in jou eie tyd by sy voete te gee of bevestig.

As jy net weer by mense alleen gaan hoor sit jy dalk weer met net nog 'n mens se opinie, net nog 'n ander waarheid. 

 Die woorde die Gesonde leer...word gebruik in die Bybel om te verwys na Suiwer leer, suiwer waarheid.

As hul gesond moes word in hul geloof beteken dit dat hul moes terugkeer na die suiwer waarheid

Titus 1:9-16 TPT

[9] He must have a firm grasp of the trustworthy message that he has been taught. This will enable him to both encourage others with healthy teachings and provide convincing answers to those who oppose his message.  

[10] There are many wayward people, smooth talkers, and deceivers—especially the converts from Judaism. [11] They must be silenced because they are disrupting entire families with their corrupt teachings, all for their dishonest greed. [12] A certain one of them, one of their own prophets, said, “Those Cretans are nothing but liars, worthless beasts, and lazy gluttons.” [13] He certainly knew what he was talking about! For this reason, correct them thoroughly so that their lives will line up with the truths of our faith. [14] Instruct them not to pay any attention to Jewish myths or follow the teachings of those who reject THE truth. [15] It’s true that all is pure to those who have pure hearts, but to the corrupt unbelievers nothing is pure. Their minds and consciences are defiled. [16] They claim to know God, but by their actions they deny him. They are disgusting, disobedient, and disqualified from doing anything good.

TITUS 1:9-16 AFR53

[9]  een wat vashou aan die betroubare woord wat volgens die leer is, sodat hy in staat kan wees om met die gesonde leer te vermaan sowel as om die teësprekers te weerlê. 

[10] Want daar is baie wat tugteloos is, wat onsin praat en verleiers is, veral die wat uit die besnydenis is; [11] hulle mond moet gestop word. Hulle keer hele huise onderstebo deur te leer wat nie betaam nie, ter wille van vuil wins. [12] Een uit hulle, hul eie profeet, het gesê: Die Kretense is altyd leuenaars, ongediertes, lui buike. 

[13] Hierdie getuienis is waar. Daarom moet jy hulle skerp bestraf, sodat hulle gesond in die geloof kan wees, [14] en hulle nie besig hou met Joodse fabels en gebooie van mense wat van die waarheid afwyk nie. [15]  Alle dinge is rein vir die reines; vir die besoedeldes en ongelowiges egter is niks rein nie, maar hulle verstand sowel as hulle gewete is besoedel. [16] Hulle bely dat hulle God ken, maar hulle verloën Hom deur die werke, omdat hulle gruwelik en ongehoorsaam is en ongeskik vir elke goeie werk.

TITUS 1:13-14 NLV

[13] Dit is waar. Berispe hulle dus so streng moontlik om hulle weer gesond in die geloof te maak. [14] Hulle moet ophou om na Joodse mites en na die opdragte van mense te luister wat hulle rug op die waarheid gedraai het.

Ons moet mense terugbring na die waarheid, gesonde leer, hul geloof gesond maak deur die leuen te vervang met die waarheid

-----

JOHANNES 8:31-32 AFR53

[31] "En Jesus sê vir die Jode wat IN Hom geglo het: As julle in my woord bly, is julle waarlik my dissipels. 

[32] En julle sal die waarheid ken, en die WAARHEID sal julle vrymaak."

Net die waarheid sal kan! Nie 'n waarheid

-----

Die probleem is elkeen dink hul eie waarheid, hul eie opinie, is 'n "non negotiable".

As jy hier dalk nou dink nee wat ek het die waarheid, wil ek jou eerlik vra, het jy dit al SELF BIDDEND aan God se Woord gaan toets, nie met net die skrif wat aan jou gegee is nie.

 Die Heilige Gees sal jou in die volle waarheid van die volle Woord lei. 

Gaan toets weer wat jy dink jy reeds weet aan die Woord.

Die moeilikste ding om te doen is om iemand te waarsku wat dink hy weet!!

Dis hoekom dit so moeilik was vir die Skrifgeleerdes en die Fariseërs, om die Waarheid(Jesus) voor hulle te kon herken en in glo.

Wees asb bereid om jou waarheid net weer te toets, nie op grond van wat ek sê nie maar op grond van wat God sê.

Ek pleit by jou om self die Woord biddend te lees.

Hoekom pleit ek oor en oor, omdat die meeste mense dit sal onnodig ag om te gaan doen en so hou die vyand baie gevange in ander waarhede, soms selfs AMPER waarhede.

Waar begin jy? Begin met Johannes en lees die hele boek van voor tot agter elke dag stukkie vir stukkie. Bid dan dat die Here jou lei watter boek om volgende te lees. Op die manier gaan jy nie weer net sekere verse lees nie, maar die geheel prentjie van God se ware Evangelie kry en dié waarheid sal jou vry maak.

Dit gebeur nie in 'n quick  fix nie, maar in indiepte studie in die Woord van God en baie bid. Soekend na die ware waarheid, 

DIE GESONDE LEER

Haal daarom asb vandag jóú waarheid bril af van wat jy reeds weet en vra die Here om deur Sý waarheid bril te kyk, vra hom om Sy waarheid opnuut aan jou te openbaar.  Soms besef ons nie ons het ons waarheid, nie by Hom gekry nie maar by mense geleer, of dalk langs die pad aangepas deur wat ons iewers gehoor of gelees het.

 Daar is baie amper waarhede op sosiale media wat ons elke dag gevoer word EN sluk ons dit so maklik sonder dat ons werklik dit aan die Woord gaan toets.

Dit het met mý gebeur, daarom is mý storie 'n GENADE STORIE.

JY HOEF NOOIT BANG TE WEES VIR VERWARRING 

AS JY DIE WAARHEID SELF VAN GOD af BID, en net sy Woord gebruik nie.

Dis dan nie 'n mens wat jou geantwoord het nie, maar God self.

 Bid, soek self, vra en vertrou dat Hy sal antwoord.

JAKOBUS 1:5-7 AFR53

[5] En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word. [6] Maar hy moet in die geloof bid, sonder om te twyfel; want hy wat twyfel, is soos 'n golf van die see wat deur die wind gedrywe en voortgesweep word. [7] Want dié mens moenie dink dat hy iets van die Here sal ontvang nie —

Iemand wat twyfel of God hul sal antwoord deur Sy Gees, val heeltyd rond tussen ander waarhede, halwe waarhede en leuens.

LUKAS 11:9-13 AFR53

[9] En Ek sê vir julle: Bid, en vir julle sal gegee word; soek, en julle sal vind; klop, en vir julle sal oopgemaak word. [10] Want elkeen wat bid, ontvang; en hy wat soek, vind; en vir hom wat klop, sal oopgemaak word. [11] En vir watter vader onder julle sal sy seun brood vra, en hy sal hom 'n klip gee; of ook 'n vis, en hy sal hom in plaas van 'n vis 'n slang gee; [12] of ook as hy 'n eier vra, hom 'n skerpioen gee? [13] As julle dan wat sleg is, weet om goeie gawes aan julle kinders te gee, hoeveel te meer sal die hemelse Vader die Heilige Gees gee aan die wat Hom bid?  

Hy sal nie vir jou 'n klip gee as jy Hom 'n brood vra nie.

Dis dan ook die Heilige Gees wat die waarheid vir ons oopbreek. Laat Hom toe om jou gedagtes te lei en die waarheid ook aan jóú oop te breek.

Romeine 12:2 AFR20

[2] Julle moenie aan hierdie wêreld gelykvormig wees nie, maar verander word deur die vernuwing van julle denke, sodat julle goed kan onderskei wat die goeie en aanneemlike en volmaakte wil van God is. 

As jou waarheid wat jy het dan ooreenkom met Sy waarheid dan was dit goed om dit weer te getoets het, maar as dit nie Sy waarheid is nie, dan moet ons die 

leuens veruil vir God se waarheid.

Die Vader van die leuen wil vir ons die slegte gee nie die goeie, hoekom dan verder vashou aan daai leuen, waar gaan dit jou laat opeindig?

Die Satan se leuens is so goed weggesteek dat as ons nie nugter en waaksaam is nie ons maklik daarvoor sal val.

 Sy gevaarlikste leuen is die een met die meeste waarheid in, dus die een naaste aan die waarheid.

Toets alles wat jy hoor en lees aan God se Woord.

Die waarheid is nooit bang 

om getoets te word nie.

Ek moes toe doof word sodat ek (DIE suiwer WAARHEID) kon hoor!

JUDAS 1:3-5 AFR53

[3] GELIEFDES, terwyl ek alle ywer aanwend om aan julle oor ons gemeenskaplike saligheid te skrywe, het ek die noodsaaklikheid gevoel om julle deur my skrywe te vermaan om kragtig te stry vir die geloof wat eenmaal aan die heiliges oorgelewer is. [4] Want sekere mense het ingesluip wat lank tevore al opgeskryf is vir hierdie oordeel, goddelose mense wat die genade van onse God verander in ongebondenheid, en die enigste Heerser, God, en onse Here Jesus Christus verloën. [5] Maar ek wil julle daaraan herinner, al weet julle dit nou eenmaal, dat die Here, nadat Hy die volk uit Egipteland gered het, daarna die wat ongelowig was, omgebring het.

Vervolg: deel 2

Ek moes doof word sodat ek kon hoor - Passop!! afgode beinvloed jou waarheid