Regte bestandele, verkeerde volgorde


Dan wonder ons hoekom die koek flop?


Selfde bestandele, selfde stappe.

Maar die geheim lê in die VOLGORDE,
as ons die volgorde verkeerd het flop alles.
Jy kan tog nie die nat bestandele al gaan bak voordat die droë bestandele bygevoeg is nie of dit uitlaat om alles te klits nie. Nee ons moet die skepper van die resep se stappe volg...

Selfde met die evangelie.

"Die Here het gesê: Hierdie volk is naby My met die mond, hulle eer My met wat hulle sê(regte bestandele), maar hulle hart is ver van My af, hulle dien My soos mense dit wil hê, nie soos Ek wil nie(verkeerde volgorde)."
JESAJA 29:13 AFR83

Dit was presies ook hoekom God Kain se offer afgewys het en Abel sin aangeneem het. God vereis 'n bloedoffer wat heenwys na Sy Seun se kruisdood en nie net wat Kain gedink het wat hy sal wil offer nie. Al was dit sy beste uit sy oes dit was nie God se opdrag, want dit was nie God se plan van redding. (2Kor5:17-21)

Genade kom eerste en dan volg res...

Dade en gehoorsaamheid volg agv redding(GENADE), nie tot redding(VERDIENSTE)
(om gered te word nie)

Genade is onverdiende guns...
En as dit van God is deur Sy Seun Jesus Christus staan ons in verwondering en word dit vir my "AMAZING GRACE "

Maar hierdie genade word alleenlik verkry deur opregte berou, bekering en wedergeboorte.

"Daarop sê Jesus vir hom: “Dít verseker Ek jou: As iemand nie opnuut gebore word nie, kan hy die koninkryk van God nie sien nie.”.......
En Jesus antwoord hom: “Jy is die bekende leermeester van Israel en jy verstaan dit nie?(uit God se volk gebore, uiters godsdienstig, ken die Skrif en ook hy moes tot wedergeboorte kom)......
“God het die wêreld so liefgehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê. God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom GERED kan word. Wie in Hom glo, word nie veroordeel nie; wie nie glo nie, is reeds veroordeel omdat hy nie in die enigste Seun van God glo nie.
JOHANNES 3:3‭, ‬10‭-‬10‭, ‬16‭-‬18 AFR83

En dan daarna gaan dit alles oor Hom...

My hele lewe draai dan om Hom alleen!

Dus  die "bestandele" GEHOORSAAMHEID en DADE word nie in die asblik gegooi agv GENADE nie, nee dit word juis tot sy volle reg gebruik, want na my redding is my pogings nie meer uit myself nie, maar saam met Christus wat in my woon en my in staat stel om te kan.
“Moenie dink dat Ek gekom het om die wet of die profete ongeldig te maak nie. Ek het nie gekom om hulle ongeldig te maak nie, maar om hulle hulle volle betekenis te laat kry. Dit verseker Ek julle: Die hemel en die aarde sal eerder vergaan as dat een letter of letterstrepie van die wet sal wegval voordat alles voleindig is."   MATTEUS 5:17‭-‬18 AFR83

"Die LIEFDE van CHRISTUS DRING ONS omdat ons tot die insig gekom het dat een vir almal gesterwe het(God se genade plan), en dit beteken dat almal gesterwe het. En Hy het vir almal gesterwe, SODAT DIÉ WAT LEWE NIE MEER VIR HULLESELF MOET LEWE NIE   (goeie dade en gehoorsaamheid) MAAR VIR HOM  wat vir hulle gesterf het en uit die dood opgewek is."
2 KORINTIËRS 5:14‭-‬15 AFR83

".... want om te LEWE IS VIR MY CHRISTUS en om te sterwe, is vir my wins."
FILIPPENSE 1:21 AFR83

My hele lewe moet Hom wat my gered het VERHEERLIK uit liefde en dankbaarheid tot Hom.

Maar MOET is die verkeerde woord, dis MOET as jy daarna kyk voor jou redding, maar word met jou hele hart WIL na jy hierdie genadige redding onverdiend ontvang het.

Niks is meer vir my 'n MOET, of die regte ding om te doen nie want:
Ek wil Hom nou gehoorsaam
Ek wil Bybel lees
Ek wil bid
Ek wil kerk toe gaan
Ek wil goed doen en liefhê
Ek wil nie meer doen wat my Here se hart breek...

Ek WÍL' n lewe lei wat Hom laat glimlag

"Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”
MATTEUS 5:16 AFR83

Kosbare lied met kosbare woorde
"..... This is amazing grace
This is unfailing love
That You would take my place
That You would bear my cross
You lay down Your life
That I would be set free
Oh, Jesus, I sing for
All that You've done for me...."
(this is Amazing Grace by Phil Wickem)

 - As jy gely voel om te copy of te share doen gerus -

gaanvertelgotell.blogspot.com
http://gaanvertelgotell.blogspot.co.za/2018/01/dan-wonder-ons-hoekom-die-koek-flop.html

Comments

Post a Comment

Popular posts from this blog

Hoe donker is dit regtig, dalk stikdonker?

Image
IS DIT DONKER, STIKDONKER? Dié Lig kan jou lewe red. Uit die duisternis van sonde,  maar ook uit die donker put van depressie/wanhoop/ opgee/oorgee. "In die begin was die Woord daar, en die Woord was by God, en die Woord was self God. Hy was reeds in die begin by God. Alles het deur Hom tot stand gekom: ja, nie 'n enkele ding wat bestaan, het sonder Hom tot stand gekom nie . In Hom was daar lewe,  en dié lewe was die LIG vir die mense.  Die LIG skyn in die duisternis ,  die duisternis KON DIT NIE UITDOOF NIE ." JOHANNES 1:1‭-‬5 AFR83  Lig teenoor duister  ...  Die u iterste kontras! Gen 1:1-4 "In die begin het God die hemel en die aarde geskep.  Die aarde was heeltemal onbewoonbaar,  dit was donker op die diep waters,  maar die Gees van God het oor die waters gesweef. Toe het God gesê: “Laat daar lig wees!” En daar was lig.   God het gesien die lig is goed,  en Hy het die lig en die donker van mekaar geskei." Die goeie (Lig
Read more

Daar is hoop en dan is daar HOOP...

Image
Wat as ons HOOP VERLOOR? GELOOF , HOOP en LIEFDE . Ons lees dit oral raak maar Geloof en liefde kry soms al ons aandag en  vergeet ons soms van HOOP HOOP is allesbehalwe onbelangrik of minder belangrik as die ander twee. Satan probeer vir 'n rede heeltyd hoop by ons steel of ons fokus wegvat daarvan. Hoop kom 130x voor in die Bybel in 121 verse Die Here laat Sy lig vir my die laaste tyd val op HOOP … Dis asof ons almal wil begin hoop verloor . Amper elkeen waarmee jy praat sukkel hiermee. Ek besef ons is moeg Here, ons sukkel om ons fokus op U te hou en nie deur die storms onder gekry te word nie. Ek besef net weer en weer dat die Here weet van ons stryd, Hy weet ons begin moed en hoop verloor want op een dag deel drie verskillende medegelowiges Woord oor HOOP met my. Dit bevestig vir my dat Jesus deur Sy Gees in hierdie tyd met Sy kinders oor HOOP praat want tye is rof en ons is net mens. Hoe getrou is ons Here dat Hy self  besig is om Sy kinder
Read more

“EK HET NOU GENOEG GEHAD, HERE,”

Image
Jer 12:5  As jy met voetgangers loop, maak hulle jou moeg: hoe sal jy dan wedywer met die perde?  “EK HET NOU GENOEG GEHAD, HERE,” Soms stamp die aanslae van die lewe ons onderstebo. Baie mense is in 'n bloedige geveg teen die donker wat hul wil oorweldig. Mens hoor van mense wat lank gestry het teen die donker gat van depressie en dan tog selfmoord pleeg. Dan wonder mens wen die donker dan ? Ons het self die hartseer nuus gehoor nou in die tyd van iemand wat selfmoord gepleeg het, hy het self so baie mense in hul donkerste tyd bygestaan as berader, maar het egter self later in dié donker gat beland. Ook God se profeet Elia beland in hierdie donker gat, en bevind hom onder 'n BESEMBOS diep in die woestyn. " Hy self het die WOESTYN ’n dagreis ver binnegegaan . Hy het toe onder ’n besembos gaan sit en gewens dat hy liewer maar moet sterf.  “EK HET NOU GENOEG GEHAD, HERE,”    het hy gesê.  “Neem nou maar my lewe, want ek is niks beter as my voorouer
Read more